აჭარაში შესაძლოა “ტავ ურბან საქართველომ” დაბალფასიანი ავიაკომპანიები შემოიყვანოს

აჭარის ფინანსთა და ეკონომიკის მინისტრი დავით ბალაძე ავიაკომპანია “ტავ (TAV) ურბან საქართველოს” წარმომადგენლებს შეხვდა. შეხვედრაზე მხარეებმა აჭარაში ტურისტების რაოდენობის ზრდის მიმართულებით სამომავლო ურთიერთთანამშრომლობაზე იმსჯელეს.

ორმხრივ შეხვედრაზე საუბარი რეგიონში ახალი დაბალფასიანი ავიაკომპანიების შემოყვანას შეეხო, რომელიც მგზავრებს არსებულ საბაზრო ფასებთან შედარებით მომსახურების დაბალ ტარიფებს შესთავაზებს. შეხვედრის თემა ასევე ახალი ტურ-ოპერატორების დაინტერესების შედეგად, ბათუმის მიმართულებით ჩარტერული რეისების ზრდა იყო.

შეხვედრას აჭარის ტურიზმისა და კურორტების დეპარტამენტის უფროსი მამუკა ბერძენიშვილი, კომპანიის გენერალური მენეჯერი მეთე ერკალი, ბათუმის საერთაშორისო აეროპორტის ხელმძღვანელი მერტ კანდიელი და კომპანიის მარკეტინგის მენეჯერი ესწრებოდნენ.