ნიკოლაძეების მარნის ცოლიკოური ბრიტანულმა გამოცემამ წლის საუკეთესო სასმელად დაასახელა

ცნობილმა ბრიტანულმა გამოცემამ, decanter-მა, 2015 წლის საუკეთესო ღვინოების სია გამოაქვეყნა, ერთ–ერთი მათგანი კი ქართული ცოლიკოურია. “ქარვისფერ–მოთეთრო ღვინო, ისევე, როგორც სხვა ტრადიციული ქართული ღვინოები ქვევრშია დამზადებული. ღვინო ეგზოტიკური არომატით, ენერგიით გავსებთ”, – ახასიათებს გამოცემა 2013 წელს იმერეთში ჩამოსხმულ ღვინოს. ღვინო, ნიკოლაძეების მარანს ეკუთვნის და ის სოფელ ნახშირღელეშია მოყვანილი.

გამოცემის რეიტინგში ქართული ღვინო, კარლა კაბალტომ დაასახელა. კარლა კაბალტო ცნობილი მოგზაური და ფოტოგრაფია, რომელიც ამერიკის გურმანთა ჯილდოს მფლობელია, მან საქართველო გასულ თვეს მოინახულა.

ბრიტანულმა გამოცემამ კონტრიბუტორებს 10 საუკეთესო სასმლის დასახელება 40 წლის იუბელასთან დაკავშირებით სთხოვა. ქართულ ღვინოსთან ერთად, 2015 წლის საუკეთესო სასმელის სტატუსი მოიპოვეს ამერიკულმა, ავსტრალიურმა, სამხრეთ აფრიკულმა, ფრანგულმა და იტალიურმა ღვინოებმა.