კაპიტალ ბანკს ახალი სამეთვალყურეო საბჭო ჰყავს

კაპიტალბანკს სამეთვალყურეო საბჭო, ახალი შემადგენლობით მართავს.

საბჭოს თავმჯდომარე, ჯილბერტ  რიჩარდ არმერტა, ბანკის აქციების საკონტროლო პაკეტის მფლობელს  ESOL B.V – წარმოადგენს. ის ასევე აღნიშნული კომპანიის ერთპიროვნული მესაკუთრეა.

ამ დროისთვის ESOL B.V-ი ფლობს აქციების  60%-ს (42,22%+17,78%). 17,78% –   ბანკის ყოფილი მაჟორიტარი აქციონერის, ალექსანდრე კურტანიძის მიერ, კუთვნილი 33,24%-დან  მართვის უფლებით არის გაცემული,  დანარჩენი 15,46%  ანალოგიური ფორმით  გაცემული აქვს Trenfor -ისთვის, რომელიც ამ დროისთვის კუთვნილ 24,54%-ს, გაზაფხულზე 40%-მდე გაზრდის.

ნიდერლანდური ჯგუფი, ბანკის აქციენერი ახლახანს გახდა, პირველი ინექციით, 5 მლნ ლარით  გაზარდა განაღდებული კაპიტალი. მორიგი  ზრდა გაზაფხულისთვის არის დაგეგმილი და შედეგად, საზედამხედველო  ნორმაც შესრულდება.

ამ ეტაპზე საზედამხედველო კაპიტალი, რომელიც  2,5 მლნ ლარამდე იყო, ჯერ სრულად  ვერ შეივსო.

ბანკის სამეთვალყურეო 5-წევრიან  საბჭოს, არმერტასთან ერთად წარმოადგენენ ახალი წევრები  არჩილ მჭედლიძე და  უილიამ ჩარლზ მორი, ძველი გუნდიდან  გიორგი გზირიშვილი და მერაბ ჩიხრაძე. 

[wpolling id=”9″ width=”” height=””]