„ხალიკ ბანკი საქართველო“ ფიზიკურ პირებს განახლებულ ინტერნეტ ბანკს სთავაზობს

„ხალიკ ბანკში“ სიახლეა – მომხმარებლებს საშუალება აქვთ ისარგებლონ მესამე თაობის განახლებული ინტერნეტ ბანკით www.myhalyk.ge და საკუთარი ფინანსები უფრო სწრაფად და კომფორტულად მართონ.

განახლებული ინტერნეტ ბანკი მომხმარებლის საჭიროებებზე მაქსიმალურადაა მორგებული. მოსახერხებელი ნავიგაცია და მრავალფეროვანი ფუნქციონალი სხვადასხვა ფინანსური ოპერაციის წარმოებას უფრო ადვილს ხდის. განახლებული ინტერნეტ ბანკი მომხმარებელს სრულ საბანკო მომსახურებას სთავაზობს: კომუნალური, საბანკო ან საბიუჯეტო გადარიცხვები, ბარათიდან ბარათზე გადარიცხვა, დეპოზიტის გახსნა, სესხის მოთხოვნა, ბარათის შეკვეთა და სხვა. ეს ყველაფერი უკვე ერთ სივრცეში, ძალიან მარტივად არის შესაძლებელი. ინტერნეტ ბანკით სარგებლობა უფასო და ძალიან მოსახერხებელია.

„ხალიკ ბანკი საქართველო“ საქართველოს ბაზარზე 2008 წლიდან მოღვაწეობს. მომხმარებლებზე ზრუნვა და მუდმივი განვითარება ბანკის მთავარ პრიორიტეტებს წარმოადგენს. ხალიკ ბანკი საქართველო ხალიკ ბანკი ყაზახეთის შვილობილი ბანკია. ხალიკ ბანკ ყაზახეთს, რომელიც საკუთარი არსებობის თითქმის 100 წელს ითვლის, მილიონობით მომხმარებლების ნდობა აქვს მოპოვებული და 2006 წლიდან წარმატებით ივაჭრება ლონდონის საფონდო ბირჟაზე.

Leave a Reply

Your email address will not be published. Required fields are marked *